google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Share

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 31st March 2014, 2:38 pm


    Thaum ub nyob puag Suav Tuam Tshoj, Hmoob thiab Suav sawv sib tua los tau ntau xyoo lub xyoo Hmoob Huabtais raug Suavliab ntes tau thiab muab tua tas ces muaj ib cov Hmoob thiaj li nrhiav kev khiav los rau sab Xov Tshoj tom no uas yog los mus rau Nyablajteb, Nplogteb thiab Phabmab teb.  Lub sijhawm ntawd txawm muaj ib khub nkaujnraug nkawv sib pus khiav los mus yeej noob rau sab Nplogteb nyob rau thaj tsam xyoo 1800 ntawd.  Khub nkaujnraug no tus hluasnkauj hu ua Maiv host us hluasnraug hu ua Tub, tsis paub nkawv 2 lub xeem yog xeem dabtsi.  
    Tom qab Tub thiab Maiv nkawv hais sib yeem khiav uake los mus rau Nplogteb, nkawv mus hais nkawv niam thiab txiv tso cai tag ces nkawv thiaj sawv kev khiav los mus rau Nplogteb.  Txoj kev khiav los mus rau sab Xovtshoj tom no nyob rau lub sijhawm ntawd mas nyuab tag tag li vim txoj kev los deb heev hos tsis tag li tseem no heev thiab hos cov Suabliab coob heev luag zov yuav luag txhua txhia qhov chaw, koj yuav tsum txawj tes taw heev, kev sib ntaus sib tua muaj ua ntuv zus los mus yog muab hais tseem nyuab tshaj li xyoo 1975 ncua Tsovrog Vietnam peb khiav los mus rau Thaibteb.  Nkawm Nkaujnraug no nkawv los tau ntau hnub vim teb lub tebchaws ntawd ua roob ua hav comkawb heev li.  Lub sijhawm ntawd Suav Tuag Tshaib los raws Hmoob tua los coob ua luaj hos cov Nyablaj Tubsab tos kev tua peb cov Hmoob los coob ua luaj li thiab ces thaum nkawv los ze rau sab Nyablaj teb txoj hmoov tsis muaj Tub thiab Maiv nkawv tshaib plab heev thiaj li los rauv taws thiab tab tom muab cov ncuav los ci noj.  Nyob kiag rau lub sijhawm ntawd txawm pom kiag 3 tug Nyablaj Tubsab los tshwm plaws thiab nug nkawv tias neb los mus dabtsi thiab neb yog leejtwg?  Tub thiaj li qhia tias Tub nkawv yog Hmoob khiav tsovrogg los mus rau sab Nplogteb.  Tus Nyablaj uas yog tus Thawj ntawm 3 tug ntawd hais ntxiv tias ua cas Tub koj tus pojniam yuav zoo nkauj ua luaj li kuv tsis tau pom dua ib tug pojniam uas zoo nkauj npaum li koj pojniam li.  Hnub no peb yuav tau kom tes taw yog koj swb ces peb yuav coj koj pojniam mus ua kuv pojniam nawb.  Tub teb hais tias thov los po vim peb tsis tau muaj pobchim, muaj yeebncuab dabtsi tus Nyablaj hais ntxiv tias tsis tau!!!  Peb yuav tsum tau sib ntsuas zog xwb thiaj li tas nawb Tub.  Ces Tub saib zoj lawv ua tiag tiag txawm txawm Tub yuav hais li cas los lawv kawg yuav ua phem rau Tub nkawv xwb xwb li vim tias 3 tug Nyablaj ntawd yog Neeg Phem thiab tsis tas li Maiv los zoo nkauj heev thiab.  Tub thiaj li hais ntxiv tias yog nej 3 tug Phoojywg tsis ntshai tusiab no los kuv kam nrog nej kom testaw tau kawg mas!!!! Vim tias Tub los yeej txawj tes taw thiab tua ntaj tshajlij heev feem ntau peb cov Hmoob nyob rau tiam ntawd txawj coob heev.
    Txuas ntxiv part 2.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  koojziagkabzaug on 31st March 2014, 3:13 pm



    Oh! Xyov yog poj niam xav deev hluas los yog txiv neej siv poj niam li dev li npua ua luam xwb?

    Poj niam hmoob ces lam muaj txoj sia ua neeg xwb; rau niam txiv thiab txiv neej siv li tsiaj li txhuv, muag li qaib li npua, ua qhev li nyuj li nees xwb. Tu siab kawg, poj niam hmoob muaj cev xwb tsis muaj siab ntsws, muaj sia tsis muaj plig. Vim tsis tau tuag los niam txiv twb muab ua ntees tag. Dab tsis los tsuas tias ntxhais xyob txhiaj, xyov txiv neej sawm txhiaj tab sis tsis muaj poj niam no kuj tsis vam meej npaum li cas thiab!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 31st March 2014, 3:49 pm

    ......Hwb....hwb.... Sad Sad Crying or Very sad Crying or Very sad ....Me muam kooj ziag kab zaug aws?....Raws li....Kuv paub mas....Niam txiv yug ntxhais ua luam xwb os?....Tsi yog yug ua neej neeg os?....Tug ntxhais lub neej zoo li....Tsiaj txhu nraum zoov....Xav ntes tua noj....Ywj siab lug....Xav ntes muag yuav nyiaj....Ywj pheej ntas....Nplaig ntev yaim cuag ntswg....Hais tsi tau....Cheem tsi laib os?....Yog hmoob kheev nqis txaus....Yuam ntiag....Cab loo tes....Pua chaw pw kiag....Ntawm hauv plag....Ua paum niam tais....Yawm txiv hnov ntas os?....Hmoob txoj cai....Dev npua cai nas....Nim yuav yog....Ua txhua yam....Dim kev tuag nas....Peem txhua tsav....Kom tau ua paum xwb mas....Nkauj hmoob nplog....Xav txhua yam....Tswv yim....Yuav ua li cas?....Thiaj kaus tau....Hmoob txawv tev chaws...."Dollars - European"

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 31st March 2014, 4:36 pm

    .....Ntsug rog....Hmoob swb suav liab xyoo 1850 - 1869....Peb lub ncuav pias....Pauv tau poj niam....Khiav nruab hnub....Tsoo pluav peem hmo ntuj....Tub quaj dai liag....Txiv taw ris....Txiv rho ntaj txiav tub tes....Ntxhais quaj khawm liag....Niam rho ntaj....Txiav ntxhais tes tu nrho....Plam plawg tom qab....Mus tsheej tav su kev....Tub ntxhais tes....Tseem tuav rawv....Tsi plam poob....Tshaib plab dhau....Tsi muaj mov noj....Tuav plab tshaib....Thiaj de nroj hau noj....Tuav plab tshaib....Peem khiav dhau....Ciam teb suav....Nqeg av nplog....Suav txij thaum ntawd....Hmoob txawj noj zaub iab....Ua zaub tsuag....Pog xav cawv....Piav qhia niam maiv....Niam maiv nco tau zoo no....Yawg xauv cawv....Thawj hau rog....Txiv neej tua suav liab tawm xeev...."Yunan"....Nqeg nplog teb....Pog xauv cawv....Thawj hau rog poj niam....Tua suav liab tawm khiav xeev...."Yunan"....Nqeg nplog teb....Nkawd yog hluas nkauj....Hluas nraug....Muaj noob nyoog tsawv lawm....Nkawd tua tiv thaiv suav liab tawm...."Yunan"....Tom qab khiav dhau suav teb nqeg av nplog lawm....Nkawd mam sis yuav ua....Niam txiv txij nkawm....Nkawd yugtau....Plaub leeg tub xws li....Yawg txiaj xyum....Yawg suav lwm....Yawg paj yeeb....Yawg liag....Tuag thaum me nyuam tub lawm....Yawg xauv cawv....Lub xeem....Yog xeem nrig....Yog xeem tsab....Pog xauv cawv....Lub xeem....Yog xeem plua....Nkauj hmoob khab....Yawg suav lwm....Kawm tes taw....Khawv koob yeeg siv....Tua ntaj ya plawg....Saum ntsis nroj tsuag....Ya saum ntsis tauj nqeeb xyoob ntoo....Luag txog twg?....Yawg suav lwm....Txog qhov ntawd....Yawg txiaj xyum....Yawg paj yeeb....Txawj me ntsis siv nyog....Txawj tsi npaum....Yawg suav lwm....Yawg suav lwm....Tswj tsov rog ....{Vwm}....Tug xyoo 1920....Tau ua nom txog ntua xyoo 1936....Yawg suav lwm tas sim neej lawm.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 31st March 2014, 6:15 pm

    ......Kuv hais ncaj qha tias....Txhob yog....Tuaj nyob teb chaws...."U.S.A"....Me kas txoj cai....Kav khoo nruj li....Suav daws niaj hnub pom mag nkuaj mas....(Ntshe)....Ib nyuas muaj nyiaj...."Dollars"....Me ntsis mas....Hmoob haj yam....Muaj plhu heev....Muaj tsheb tsav....Nyiag haub yaum ntxias dag....Tej ntxhais nkauj mog....Nce tsheb khiav ua dev npua txaus....Thauj thau tua pov tseg....Tom tej kev os?....Xav txhom zij ntes....Tug twg?....Yuav tsi tub qaug neeg.

    .....Kuv tuaj txog teb chaws...."U.S.A"....September 14, 1992 Midnight....Nyob nroog....Pontiac - Oakland County - Michigan - State....Txog ntua....March 6, 2010....Hmoob ua ntau yam phem liam qias neeg kawg nkaug....Tseem nyiag haub yaum ntxias dag....Luag tej ntxhais nce tsheb yuav lawm ntau tug...."Tab sis"....U.S.A....Txoj cai kav khoo nruj dhau muaj plaub ntau zaug txog...."Court House"....Mag ntes kaw nkuaj ntau tug lawm....Suav daws saib zoj nyob....U.S.A....Ua tsi yooj yim li Siab xav nyiam ntshaw....Ua npau suav toog....Kub siab lug....Ntsia zoj hmoob nplog ruam ntshaw...."Dollars - European"....Tsaus muag - Nplua nuj....Hais lug ntxhi....Sib yaum dawg....Dhia nplog teb....Txhua hnub - Txhua hli - Txhua xyoo....Tsi tu ncua li....Suav daws niaj hnub pom ntas.....Hmoob lub siab...."Ntuj tshw"....Xyov yuav tiam twg?....Mam pauv hloov tau os?

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 31st March 2014, 7:50 pm

    koojziagkabzaug wrote:

    Oh! Xyov yog poj niam xav deev hluas los yog txiv neej siv poj niam li dev li npua ua luam xwb?

    Poj niam hmoob ces lam muaj txoj sia ua neeg xwb; rau niam txiv thiab txiv neej siv li tsiaj li txhuv, muag li qaib li npua, ua qhev li nyuj li nees xwb. Tu siab kawg, poj niam hmoob muaj cev xwb tsis muaj siab ntsws, muaj sia tsis muaj plig. Vim tsis tau tuag los niam txiv twb muab ua ntees tag. Dab tsis los tsuas tias ntxhais xyob txhiaj, xyov txiv neej sawm txhiaj tab sis tsis muaj poj niam no kuj tsis vam meej npaum li cas thiab!

    Nyob zoo os Koojziagkabzaug,

    Thov txim ntaux heev ua rau koj ua tij chim me ntsis lawm os lod.  Qhov tiag lub topic kuv cais tsis meej xwb thov zam txim pub nawb mog.  Nej cov pojniam tus zoo thiab coj zoo ua Niam tsev yeej zoo zoo tsis txawj tag thiab peb yuav nco ntsoov nej tus txiaj ntsig txoj me kev khwv iab khwv daw los tu peb tej txivneej hnub dhau hmo, hli dhau xyoo.  Peb tej txivneej ces lam tau lub npe txiv tsev xwb yog tsis muaj nej los tab lub cuab teev lub yig ua ib tug zoo niam tabcuab ces peb lub neej yeej tsis tsheej neeg nawb.  Tiam no peb txawm yuav hlub thiab ua tsaug npaum li cas los yeej pauj tsis tau nej cov Niamtsev zoo tej txiajntsim rov qab li os.  Txoj dabneeg no yog hais raws li keebkwm thiab hais rau cov pojniam uas muaj lub siab phem muab peb txivneej Hmoob saib qis qis li niajhnub no peb pom ntau ntau tshwm nyob rau cov tebchaws vammeej no xwb.

    Txhob tusiab thiab xav li koj ua tij xav, nej muaj nqis tshaj 100 tsav yam hauv lub ntiajteb no peb tej txivneej thiaj li maub ntuj teb tag hmo puag pem tej niag tog kev ua dab ua tsov luag mas, yog tsis muaj nqis npaum li ces peb nim yuav kam ua li na hehehe.


    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 31st March 2014, 8:00 pm

    tijlaug xyoojtsab,

    Ua tsaug ntau uas koj ua tij tseem tuaj piav ib zaj dabneeg ntawm nej tsevneeg los ntxiv rau kuv zaj thiab nawb. Muaj tseeb li koj hais ntawd lub sijhawm ntawd peb los muaj 2 tug yawg, ib tug ua Nom hos ib tug ua tus lwm Thawj. Nkawv tua ntaj mas tshaj lij kawg kiag hos khiav hauv pas dej mas dej nyab yees txij muag taw xwb no.

    Ua koj tsaug ntau nawb.

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 31st March 2014, 8:10 pm

    ]b]Maiv thiab Tub nkawv lub neej txuas ntxiv part 2.

    Tom qab Tub hais li tag ces tus Thawj Nyablaj tso kiag nws 2 tug Qhev nkag loo los thiab rho loo ntaj los nrog Tub sib kom testaw, Tub rho loo Tub rab ntaj los kiv pes loo hnov suab ntaj nrov ua ntsij ntsiaj 2 ntsais muag xwb 2 tug Qhev Tubsab ntawd tuag tag nrho. Thaum no tshuav tus Thawj Nyablaj txawm hais rau Tub tias, oh!!! Tub koj yog neeg me thiab tiamsis koj tes taw kev kom txuj tsis yog dogdig kiag neb thiaj li khiav los txog deb npaum li no!!!!! tus Thawj Nyablaj rho loo nws rab ntaj thiab piav yeev tod los npaj loo nrog Tub kom tes taw, Tub los npaj loo ua me tes taw sib yiag thiab qhovmuag nruj nreem tsis ntsais muag seb ua li tus Nyablaj ntawd yuav dhia li cas tuaj thiab. Ib ntsais muag xwb nkawv sib kom tes taw nrog ntaj ua suab ntaj nrov nthij nthaj ib pliag ntshis xwb Tub ua rau tus Nyablaj rab ntaj ya plaws rau ib qhov lawm hos tus Nyablaj ntog nreem rau ib qhov ces Tub dhia rhees lawv tus Nyablaj qab mus muab nws tua no tiamsis Tub maj zog ces Tub txawm mus dawm ib lub pobzeb ua rau Tub vau hlo hos Tub rab ntaj dhia rhees rau ib qho lawm thiab. Thaum no Tub thiab tus Nyablaj nkawv sib mos pes ntiag ces Tub me zog Tub lub zog tab me ntsis tus Nyablaj muab Tub mos tau tuaj kiag sab hauv qab hos tus Nyablaj caij loo tuaj sab saud thiab muab Tub nyem cajpas kiag ua rau Tub ua tsis tau pa lawm. Tub thiaj xav zoj kawg yuav tau hu kom Maiv los pab xwb thiaj li tau yog li Tub hais rau Maiv tias Maiv koj tsis los pab ces kawg kuv tuag zaum no lau!!! Maiv nqa loo rab ntaj khiav loo los txog ua cas Maiv tsis ciali los muab tus Nyablaj tua hos Maiv los muab Tub saib ib muag tag ho tsa qhovmuag mus saib tus Nyablaj ib muag thiab ces Maiv saib ua cas tus Nyablaj loj dua, siab dua thiab zoo nraug dawb paug dua Tub ces Maiv ciali twb nkaus rab ntaj tib nkaug Tub hauv siab thaum no Tub saib zoj tsis yog Maiv tua Nyablaj hos yog tua Tub lawm ces Tub thiaj ib tig Tub lub cev thaum no Maiv rab ntaj ntsia nkaus Tub ib sab hauv siab Tub thiaj li ua txoj ua li Tub tuag kiag rau ntawd lawm. Maiv saib Tub tuag lawm ces Maiv tsawv nkaus tus Nyablaj rub rhe sawv tsees khawm nkaus tus Nyablaj sib pus khiav lawm, Tub ua qhovmuag saib nkawv mas Tub tusiab, chim siab thiab khib siab tshaj plaws.[/b]

    Txua ntxiv part 3.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 31st March 2014, 8:27 pm

    ......Nyob zoo os?....Kwv liaj ntsuab aws?....Zoo siab ua koj tsaug ntau os?....Luas tej laug hais tias....Yog leej twg?....Yuav kawm tes taw....Khawv koob yees siv....Siab ntev tias....Yog siab luv....Tsi pub kawm....Kawm tau txawj....Tua tib neeg npog nroj ntsuab....Peb tsev neeg....Siab luv tas tug....Yawg suav lwm....Thiaj tsi qhia lawm os?....Yawg suav lwm tuag tas li ntawd....Kuv txiv piav li no....Qhia kuv tias....Yog leej twg?....Yuav kawm khawv koob yees siv....Luag txiav kiag....Ib tug xyoob....Khawb kiag hauv paug....Cab ntsis xyoob....Luag hai nce toj....Nkag hav pos....Tsi chim....Tsi npau tawg....Luag mam qhia no os?....Kuv tug kheej no....Tshwm sim yug....Los ua neeg....Ntiaj teb no....Noj niam mis....Xeev xwm loj hlob tiav txiv....Tsi tau tsa tes ntaus....Luag tej me nyuam....Tsi tau ntaus....Luag tej me nyuam....Ib zaug li os?....Kuv txiv hais tias....Kuv tshwm sim yug los lig....Tsi tau kawm....Yawg suav lwm....Tej txuj ci....Khawv koob yees siv....Tua ntaj ya plawg....Ntsis nroj tsuag....Txawm tsi tau kawm los?....Txhob tu siab....Vim yug lig dhau lawm.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 31st March 2014, 8:48 pm

    ......Hwb....Hwb.... Sad Sad Crying or Very sad Crying or Very sad ....Kwv liaj ntsuab aws?....Txawm nyob teb chaws twg?....Tib yam nkaug os?....Yug tsi nco ua....Poj niam....Tug phab ej hnub twg?....Hnub ntawd ntas....Poj niam yuav ua luag tug....Tas sim neej laug tuag kiag....Yog yug ncaws npas....Tshaj lij dua....Hluas nkauj....Thiaj tham yug ov?....Koj puas ntseeg....Kuv ua tij zaj lug no....Mas yuam....Kwv liaj ntsuab aws?....Kuv tug kheej no....Sim muaj....Ua txaus nkaug....Kuv paub zoo os?....Tsi tas khav sab nraum os?....Yug tug hauv tsev kiag....Twb tseem nyuaj siab qeeg os?....Yug ua taug txiv....Muaj cuab kav....Ntaus thawj dawg....Ua tshwm txhua yam....Muaj peev xwm....Peem txhua tsav....Ua ntej ntais....Tsi tog leej twg?...."Okay"....Mam cia siab tias....Poj niam....Yuav tsi khiav nrauj yug os?....Yug tsi ua....Txiv tsev tias hos?....Yug tseem ua txiv dev....Tog pom poj niam dua toj lawm os?.... :q :q .

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 31st March 2014, 10:54 pm

    Tijlaug Xyoojtsab,

    kev kawm tes taw ces yeej yog li koj hais mas. Peb cov yawg Koob lawv txawj tes taw heev tiamsis lawv los hais ib yam nkaus li koj hais nej Yawg thiab ces txheej tom qab tsis txawj ib yam li. Tusiab kawg li os nawb.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 7:32 am

    ......Raws li paub tsab kaim me ntsis xyoo 1965 - 1966 - 1967....Tsab kaim tau nrog nai phoo vaj pov ua ke ntas...."Tab sis"....Tsab kaim siab ceev zog....Xua tes tswm cav tawg....Tawg dawb vog....Ib zaug no....Nai phoo vaj pov pom ntawm qhov muag....Nai phoo vaj pov....Rho tsab kaim tawm....Tsi yuav tsab kaim....Ua hauj lwm....Nyob nroog looj ceeb lawm....Tsab kaim tu siab nrho....Tig rov qab npuab nplog...."Rayal Laos Army Region Part: 1....Xayaburi - Luang Phabang"....Tsi nyob nroog looj ceeb lawm.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 8:46 am

    ......Xyoo 1965 - 1066 - 1967....Tsab kaim txiv xaiv tsu....Tuaj txog nroog looj ceeb....Tuaj nug txog kwv tij sib ncaim....Tsov rog tua suav xyoo 1850....Txog ntua xyoo 1869....Ncaim xeev...."Yunan"....Nqeg nplog teb tau muab....Ib rab ntaj faib ua puav pheej....Ib tug tau nab ntaj....Ib tug tau ntaj ua li....Puas muaj leej twg?....Paub txog....Tsab kaim lawv yawg koob tau nab ntaj....Peb yawg xauv cawv....Tau ntaj lawm...."Tab sis....Lawvyuav poj niam nkauj hmoob dawb....Pawg xauv cawv....Yuavpoj niam nkauj hmoob ntsuab....Hmoob leeg lawm....Ua dab qhuas txawv zog....Lawv pab cov luag tuag....Caij ntuj nag....Ua tsab pos lawm....Peb pab tsab tshwm tshav....Kwv tawm nrag....Tsab zawm plab....LOs ntawm niam ntxawm....Niam hlob muab xyoob thi....Tug kwv nrab....Tug kwv nrab....Tug tub plab lawm...."Tab sis"....Cov txwm tseem yog li qub....Tsab kaim txiv xaiv tsu....Piav qhia tias?....Tsab kaim siab ceev....Tsab kaim txiv qhia tsi tas....Khawv koob yees siv....Tua ntaj ntaus lawj xeeb....Rau tsab kaim....Yog qhia tas....Tsam tsab kaim siv tua neeg....Yeej yuav qhia thiab...."Tab sis"....Yuav tog tsab kaim....Muaj noob nyoog tso....Mam qhia no....Tsab kaim txiv....Rov mus tsev sab xeev...."Xay nyab bu ri"....Teb chaws tawg....May 14, 1975....Tsi sis ntsib txog tav ntuj no li os?

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 9:06 am

    ......Kev kawm txuj ci....Yog kawm txawj txaus....Paub ntshai txhaum plaub....Paub ntshai tuag....Tsi khav txiv....Tsi khav theeb lawm....Hom nyuas uas....Paub me ntsis....Paub tsi thoob....Txawj tsi txhij....Paub tsi txhua....Khav txiv heev....Khav theeb kawg....Cov kawm ntawv....Tib yam nkaug....Cov kawm qeg....{Grade: 1 To Grade: 6}....Yug paub tias....Yug kawm qeg....Tsi khav txiv....Tsi khav theeb....Cov kawm txog....{High School Diploma - College Bachelor - University - Master}....Muab hlob - Dub muag - Khav txiv heev - Khav theeb kawg - Zog muaj nqis kawg nkaug....Thov tsitau li os?....Yog kawm siab kiag....Kawm tiav....{Dr. P.h.d. Okay}....Zog lam mas....Cov kawm hmoob kab lig....Kev cai dab qhuas....Tib yam nkaug os?....Tsi txawv kiag....Pw tib tug moj lw....Khav txiv heev....Khav theeb kawg nkaug....Cog zia - Qia dub - Tswv yim - Cuaj khawm - Kawg nkaug os?....Tsi qhia leej twg li os?....Kwv liaj ntsuab aws?

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 9:25 am

    ......Kwv liaj ntsuab....Maiv khawm nyab laj lawm....Tub ua li cas ntxiv lawm....Tub zaum twb ywm ntsia....Maiv nyab laj nkawd....Daig pob xwb los?....hwb....hwb.... :q :q Crying or Very sad Crying or Very sad Sad Sad ....Los kav liam nas....ts ts .

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 1st April 2014, 9:39 am

    xiongchang wrote:......Kwv liaj ntsuab....Maiv khawm nyab laj lawm....Tub ua li cas ntxiv lawm....Tub zaum twb ywm ntsia....Maiv nyab laj nkawd....Daig pob xwb los?....hwb....hwb.... :q :q Crying or Very sad Crying or Very sad Sad Sad ....Los kav liam nas....ts ts .

    Tijlaug Xyoojtsab,

    Koj cov dabneeg ntawm nej tsevneeg zoo kawg li. Pab tusiab rau Hmoob lub neej poob teb poob chaw, ua ntsuag kwv ntsuag tij, ntsuag niam ntsuag txiv, ntsuag txij ntsuag nkawm thiab ntsuag phooj ntsuag ywg mus rau lwm yam ntsuag ntaux. Yog peb Hmoob lub neej txhob muaj ntau yam tshwmsim li mas peb yeej ua neej vammeej lawm ntau heev os.

    Kuv mam li piav Maiv thiab Tub nkawv zaj dabneeg ntxiv rau peb tau mloog nawb.

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 1st April 2014, 9:53 am

    Txua ntxiv part 3.

    Tub tos ib pliag Maiv thiab niag Nyablaj khiav dhau lawm ces Tub thiaj li mam sawv los thiab muab rab ntaj rho tiamsis ntshav los hlob heev Tub thiaj li muab Maiv txoj phuam uas Maiv muab rau Tub coj los qhwv tag ces Tum maj mam ua nyuj nkag mus nrhiav ib qhov chaw pw nyob tsis deb ntawm qhov chaw ua lawv sib tua ntawd tiamsis Tub tshaib plab heev thiab vim Maiv muab Tub nkawv cov ncuav nyiag nqa tag khiav nrog tus niag Nyablaj lawm thiab. Txoj hmoo muaj ua cas ho hnov maub kig kuag los ze ntawm Tub qhov chaw pw, Tub thiaj tsa qhovmuag saib no muaj ib khub niamtxiv nrog ib tug me ntxhais tiav nkauj hlo zoo nkauj npaum li nws tus hluasnkauj Maiv thiab. Tub thiaj li hu tias nej puas yog Hmoob? Lawv thiaj li teb tias peb yog Hmoob thiab mas ces tus txivneej Hmoob thiaj li hais ntxiv tias koj twb yog Hmoob thiab sav!!! Ua cas koj raug mob? Tub thiaj li muab Tub txoj dabneeg piav qhia rau lawv ces lawv thiaj nrog Tub nyob hos tso tus me ntxhais zoo nkauj ntawd los rhaub dej thiab muab Tub tu. Dhau ntawd los Tub lawv thiaj li sawvkev los mus rau Nplogteb lawm.
    Ho rov los tham txog Maiv ces khiav raws tus Nyablaj zoo nraug mus lawm. Maiv nkawv mus hnub ntawd tsaus ntuj nkawv thiaj li mus pw rau ib qhov chaw, tus Nyablaj kho 2 lub chaw pw tsis pub Maiv nrog tus Nyablaj pw. Maiv hais rau tus Nyablaj tias ua cas koj ho tsis pub kuv nrog koj pw uake? Twb yog kuv nyiam koj kuv thiaj cawm koj es muab kuv tus hluasnraug tua ne? Nyablaj hais tias Tuam yog ib tug Neeg zoo, hos kuv yog ib tug Neeg phem huab noj huab haus tua neeg npog nroj ntsuab, nyob hnub xam hnub, nyob hmo xam hmo, peb tuaj coob tiamsis sib tua tuag tag lawm peb 3 leeg thiaj li rov los mus tsev ces ntsib neb xwb hos dhau li lawm kuv los muaj pojniam menyuam nyob tom tsev lawm thiab kuv yuav mus nrog kuv pojniam lawv nyob. Kuv yuav tsis taus koj, koj mus koj nawb no rau Maiv. Ces thaum no Maiv mam li paub qhov tseeb tias Nyablaj tsis hlub nws, Maiv xav zoj tias cia ib pliag kom niag Nyablaj ntawd pw tsaugzog Maiv mam li muab nws tua. Ua cas thaum Maiv tsim los no twb pom kev huv lawm hos niag Nyablaj xyov twb khiav thaum twg lawm thiab. Maiv mam li xav zoj txog Tub ces Maiv li rov qab los rau qhov chaw ua Maiv muab Tub tua, thaum los txog tod ua cas 2 niag Nyablaj tseem pw qhov chaw qub tiamsis tsis pom Tub lawm. Maiv thiaj li mus saib Tub qhov chaw no ua cas zoo li sawv khiav lawm, Maiv thiaj li taug qab mus no pom ib lub chaw pw thiab pom Maiv txoj phuam uas Maiv muab rau Tub lo lo ntshav uas yog zoo li muab coj los qhwv qhov nqaij, Maiv thiaj li paub tias Tub tsis tau tuag thiab khiav los mus rau Nplogteb lawm.

    Txuas ntxiv part 4.


    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 11:30 am

    ......Kwv liaj ntsuab as?....Zaj dab neeg no....Txhais tau ias....Tug tib neeg...."Ntuj tshw"....{Khaum - Npam}....Nyab laj paub zoo....Nyab laj....Tsi yuav....Ua poj niam....Yuav rov nrhiav....Kom tau tub zoo li....Niaj hnub no....Peb muaj ib txhia....Poj niam....Tham hluas nraug....Tso txiv pov tseg...."Tab sis"....Thaum kawg....Luag ntxias ua tas....Luag tsi yuav....Cuab yig plam tas.....hwb....hwb.... :q :q ....Mam nco txog txiav lig lawm.... Sad Sad Crying or Very sad Crying or Very sad ....Thaum kawg zoo li....Paj nyiag....Tuag nrom qhej....Raug hlawv kub nyiab nqaij caws tas?....Tsi muaj neeg....Kam pam.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 12:06 pm

    ......Kwv liaj ntsuab as?....Ntshe hluas nkauj tas...."Maiv"....Tub thiaj yuav...."Maiv"....Ua poj niam....Kuv tug kheej tug siab nrho....Kuv twb muaj....Ib tug hluas nkauj zoo li...."Maiv"....Txawm hais lug zoo npaum cas?....Txiag siab lawm....Kuv teb tias....Tiam neej no....Wb ntawv tsi tiam....Ua niam txiv....Tuag fab seeb lwm tiam....Seb ntawv puas raug....Ntsuab.... :q  :q  ....Quaj vwm leg.... Crying or Very sad Crying or Very sad Sad Sad ....Kev phooj ywg!....Zoo npaum cas?....Ntsia thaum raug mob nkeeg....Pus khiav dim....Kev ploj tuag....Thiaj ntseeg siab os?

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 1:40 pm

    .....Kwv liaj ntsuab aws?....Kuv ua tij.... Ib txwm piav....Piv ntuj nrag lug hais tias....Tug hluas nkauj de tshuaj noj tuag lawm....Thiaj yog....Yug tug hluas nkauj....Tug muaj txoj sia....Ua neej nyob ntiaj teb no....Yog luag li....Yog luag tug....Txhob nco txog....Nco yuam kev os?....Xyov yug poj niam....Puas tseem yog....Yug poj niam os?....Yog laug nkoog li....Koj niam tij lawv lawm....Thiaj xam tau tias....Yog yug poj niam....Xya caum tsib feem pua....Tseem tsi tau nto....Ib puas feem pua laiv?....Thaum tej laug....Yeej ib txwm piav....Piv ntuj nrag lug li ntawd os?....Koj sim ntsia seb mas....Qee tug poj niam....Twb laug nkoog....Nkag tsi qheb....Nkag tsi qheb....Tseem yuav txiv nas yuam....Yuav hais maiv no....hab....hab.... Very Happy Very Happy lg lg ....Maiv ntsia zoj....Tub zog yau....Tuaj hauv qab lawm....Kawg tuag nyab laj tes....Maiv loog ntxiv xwb....hab....hab.... lg lg :D59 :D59 :! :! ....Yug tug kheej kiag....Mob nyav zog....Poj niam....Tsi tu laiv?....Ntsia qhov tsev ntsoov ntas hos....Yug ua tsi taug...."Phab ej - Heroes".... Crying or Very sad  Crying or Very sad  Sad  Sad ....Tu siab nrho ntas os?

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 1st April 2014, 4:18 pm

    Tijlaug Xyoojtsab,

    Zoo li koj cov lus paj paws sab sijhuam tseem piav tau zoo mloog dua kuv txoj dabneeg lawm thiab sub a!!!  lg lg . Peb pojniam Hmoob txoj kev kawm txawj ntse tseem qis heev lawv tsuas pom luag lub ntsejmuag mojyam zoo nraug xwb tsis tau paub luag lub siab yog li peb pojniam Hmoob thiaj li pheej ua neeg ntxeev siab thiab mus yuav lwm haivneeg. Txoj kev no yog ib qhov ua rau Hmoob lub neej puas loj tshaj plaws uas zoo li peb niajhnub no thiab nyob rau Tuam Tshoj Suav Av Loj. Suav pom Hmoob zoo nkauj ces Suav muab nyiaj tuaj npog Niamtxiv qhovmuag thiab npog tus ntxhais Hmoob ces lawv coj mus ua pojniam lawm vim tias Suav pom ntxhais Hmoob zoo nkauj dua Suav tej ntxhais. Nyob li tus ntxhais Hmoob Laj Tsawb ne!!! kuv hnov tias Suav nyiam kawg thiab Suav twb vwm rau lawm no hos. Tus ntxhais nram no yog Laj Tsawb mas nws zoo nkauj thiab muaj peevxwm kawg nkaus li.
    http://www.youtube.com/watch?v=Yit_mkLUaH8

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Liajntsuab on 1st April 2014, 4:22 pm

    Tijlaug Xyoojtsab,

    Cov ntxhais Hmoob nyob Suav teb tus twg zoo nkauj thiab muaj peevxwm ces Suav tuaj muab yuav tag mus ua Suav pojniam lawm no. Hos nyob rau txawv tebchaws los tom ntej no yuav mus zoo ib yam nkaus vim tias ib qhov teebmeem los peb tej tub Hmoob tsis rau siab kawm ntawv li cov ntxhais thiab ces thaum peb cov ntxhais mus kawm ntawv siab zog lawv ciali nyiam lwm cov neeg lawm hos muab nws cov Hmoob saib qis qis tsis tsimtxiaj lawm. Pab tusiab kawg nkaus vim txoj kev kawm txawj ntse qis heev thiab tsis ntse li lwm haivneeg.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 5:04 pm

    ......Yog las mav....Kwv liaj ntsuab aws?....Luag tej laug....Ib txwm piav....Piv sab sab sib huam lug tias....Tug zoo nraug....Tug zoo nkauj....Tau lub npe....Qhov tseeb tias....Yog luag li....Yog luag tug....Kuv hais kiag....Kuv peb tug tub tias....Nej txawj yuav poj niam...."Tab sis"....Nej ua tsi taug txiv....Ua tsi tau....Poj niam....{Phab ej - Heroes}....Tog nej paub....Caum mev - Raws khej dub lawm lauv?....Nco ntsoov....Yug daim....{Checking Weekeend}....Loj dua poj niam daim mas....Poj niam zoo siab....Luag nyav ntas....Yug daim...."Checking Weekend"....Me ntas....Poj niam....Ntsej muag....Hiav nti....Dub nciab....Tsi hais lug luag lawm....Kev ntuaj siab tuaj ntas....Daws nyuaj nawb....Peb haiv hmoob....Tsi paub dab tsi os?....Hmoob pom nyiaj ntau tsaus muag....Muag kiag mab sua yuav....Ua poj niam....Tsi ntev tom ntej no....Hmoob rais ua neeg phem liam tas....Vim luag yuav....Hmoob cov ntxhais zoo mog....Ua poj niam tas....Hmoob tau nkauj pub thawj ntas....Hmob tau nkauj khej dub ntas hos....hwb....hwb.... Crying or Very sad Crying or Very sad Sad Sad Sad :q :q .

    ......Yav ntuj thaum xyoo 1972....Tawm plawg xyoo 1973....Kuv yuav niam tij kiag....Peb nyob nroog looj ceeb....Ntxhais zoo mog....Nqis tshoob nce txog....475.000 kis....Txog ntua....500,000 kis....Kuv twb ntshai tsam....Koj niam tij nqis tshoob nce txog....500,000 kis...."Tab sis"....Zoo hmoov kawg....Yug xyaum zoo....Tsi txiaj ncus....Tau npe nom....Niam txiv neej tsa....Yuav nqis tshoob kos....183,000 kis....Vim lawv pab neej tsa ntawd....Cov ntxhais tau txiv nom....Ob leeg xwb nas....Kwv liaj ntsuab aws?....Peb haiv hmoob....Tsi txawj ceev meej mom....Cov ntxhais zoo mog....Yuav mab sua tas....Peb haiv hmoob....Tau poj niam phem thaum kawg tias....Cov tub tsi muaj hlwb zoo....Tsi rau siab kawm ntawv siab....Tub nkeeg....Kawm ntawv qeg....Tau poj niam phem ntas hos?

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 5:32 pm

    ......Kwv liaj ntsuab aws?....Cov tub hmoob....Tsi nco qab....Thaum niam yug....Puv peb tas kig....Muab qaib npua hu plig....Cov laug khi tes.... Foom zoo kawg....Nyob loj hlob lis vaws....Ciaj xeev txwj....Tsheej xeev laug....Tau ua nom....Zaum hauv rooj....Tau ua tswv....Hais hauv lug....Hais tsim nuj....Noj hauv nqaij....Haus thawj khob cawv....Hais lug tsim nqis....Tam sim no....Kuv peb tug tub....Tug hlob peb caug ob xyoos....Tug nrab peb caug xyoo....Tub ntxawg neeg nkaum yim xyoo....Tsi pom txiv qab....Ib qho hlo li os?....Kwv liaj ntsuab aws?....Txiv tau ua nom....Noob nyoog hluas heev...."Tab sis"....Tub xob quaj yuav luas....Tsi txawj nkag hauv tsev os?

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  xiongchang on 1st April 2014, 10:09 pm

    ......Kwv liaj ntsuab aws?....Kev ua neej neeg....Txhob xyaum liam ntsuav....Niaj hnub tseev zam ncus....Tham hluas nkauj....Yuav niam yau....Qub hluas nkauj dhuav ntxub....Qhov ntswg khoob....Tsi muaj ntswg tshuab os?....Yuav tau xyaum zoo....Tsim txiaj ncus....Ua neej zoo....Xws teb chaws....Yuav poj niam....Tug kav tug....Txawj sis hlub xws teb chaws....Ua ke nraim....Tham luag ntxhi....Hais lug luag nyav....Ua yam ntxwv zoo....Suav daws tsom ntsia....Ua qauv zoo....Suav daws xyaum....Ua piv txwv....Suav daws kawm...Ua neej neeg....Qub hluas nkauj ntsib nthav yas kev....Pom dheev dua vuag yag ncua....Qub hluas nkauj....Thiaj khuv xim yug os?....Cas thaum tsi yuav....Ua txiv nev....Kwv liaj ntsuab aws?

    Sponsored content

    Re: Txivneej Hmoob Ua Txhua Yam Kom Dim Txoj Kev Tuag Pojniam Hmoob Xav Ntsoov Txoj kev Deev Hluas

    Post  Sponsored content Today at 10:54 am


      Current date/time is 6th December 2016, 10:54 am