google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Tos Niam tais Yawm txiv tuaj Ntxhais Vauv ua ib rooj noj rau los yog tua Npua ntim ces

    Share

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Tos Niam tais Yawm txiv tuaj Ntxhais Vauv ua ib rooj noj rau los yog tua Npua ntim ces

    Post  Hmoob ntuj qub qab on 29th April 2010, 11:13 pm

    Peb moob txoj kev cai tom qab thaum uas peb sib yuav thiab muaj tub ntxhais lawm, raws li tej laus txoj kab txoj kev, Ntxhais Vauv tos niam tais Yawm txiv tuaj , muab ib tug Npua loj zoo saib coj los tua rau naim tais Yawm txiv noj ntim ces , yog tias yus daws npe laus ua ntej lawm ces tsis kom niam tais yawm txiv daws lawm los tau , yog tias yus tsis tau daws npe laus es yus xav daws npe laus no yus muab ib tug npua ntxiv los rau niam tais yawm txiv hu yus plig daws yus npe tshiab npe laus dua. Tus npua tua niam tais yawm txiv noj los ntim ces cia li tua tsis ua dab tsi li, hos yuav daws npe laus mam li muab ib tug npua ntxiv los daws npe laus.

    Hais txog kev tos niam tais yawm txiv tuaj , thaum yus npaj tau lawm.

    Yus yuav tsum nrhiav ib tug laus neeg uas kom tsib meej tsib xws. Kom nws mus npaj ib fwj cawv nqa mus hu niam tais yawm txiv. Thaum yus mus txog rau tom niam tais yawm txiv tsev lawm, yuav tsum mus rub ib lub rooj rau pem tag. Yus mam li mus rub yawm txiv thiab niam tais los zaum.
    Thaum no yus mam li ce ib leeg ib khub cawv rau yawm txiv thiab niam tais, coj yawm txiv niam tais haus kom meej thiab rov qab ce dua ib khub cawv los yog ib tshooj tshiab ces koj mam li hais li no rau:
    “Hnub no, luag hais tias koj ua yawm txiv tus Ntxhais tus Vauv Hu … nyob rau…no , tav no luag hais tias koj ua yawm txiv tus ntxhais mus ua neej rau tsev Hmoob no ntev lawm, los cheb plag tsev qawj qab yiag du, los ua neej tau ntev niaj ntau xyoo, los muaj me tub menyuam puv vaj puv tsev lawm. Koj Ntxhais koj Vauv los kuj ua lub neej txom nyem, npaj tsis tau ib yam dab tsi zoo. Xyoo no, hnub no Ntxhais Vauv yuav tuaj tos neb ua niam ua txiv thiab cov dab laug mus es Ntxhais Vauv yuav ua ib roog noj rau neb ua niam ua txiv raws li poj rhawv kab yawm rhawv kev, poj ua tseg yawm ua cia, Luag hais tias nyuj yeej muaj nyuj kab, nees yeej muaj nees kev. Hnub no, Ntxais Vauv thiaj kom kuv tuaj tos Niam thiab Txiv neb mus es tus Ntxhais tus Vauv yuav muab ib tug me tsiaj luaj tus me nas ua ib rooj noj los yog ntim ces rau neb ua niam ua txiv thiab hu plig daws tus Vauv npe ( yog yuav daws npe).
    Thaum yus hais tag nrho li no ces sawv tseem txaum yim zog rau yawm txiv thiab niam tais kiag. Ces yus muab cov cawv uas yus ce no kom niam thiab txiv nrog yus khees haus kiag kom meej. Yus mam ho rov qab teev dua ib cov tshiab rau yog yawm Txiv thiab niam tais muaj dab tsi ces luag mam li hais rau yus.
    Thaum yus tos tau niam tais yawm txiv tuaj txog rau hauv tsev lawm, tag kis uas yus yuav tua npua hu plig ntawd mas yus yuav tau npaj ib tais txhuv qe, ib txoj hlua thiab ib rab riam rau saum lub rooj ces yus mam li mus rub tus yawm txiv los yog tus neeg uas tuaj zaum rooj uas yog yawm txiv coj tuaj zaum ua nws tug. Ces koj mam li hais li no:
    “Hnub no, luag hais tias Ntxhais vauv yuav tos niam thiab txiv tuaj hu plig los yog ua ib rooj noj rau niam txiv , lub npe Ntxhais Vauv ces hlob hlob kawg li los tos tej niam txiv dab laug niam hluas tuaj nyob ib hnub nkaum tshav ib hnub nkaum ntxoos los Ntxhais Vauv ua lub neej nyob kooj saub kev pluag, tsis muaj ib yam dab tsi nawb. Ntxhais Vauv tu tau ib tug nyuag me tshiaj me me luaj li tus me nas xwb los tej niam txiv dab laug niam hluas txhob tu siab. Es ho tuaj nrog Ntxhais Vauv nyob ib hnub los koom ib hmos nrog tej me tub me nyuam nyob mog . Txawm hais tias tus luaj li tus me nas xwb los kom tej niam tej txiv txhob xav li cas.”
    Yus hais li no tas nrho ces yus txaum yim kiag rau thiab coj kom sawvdaws haus cov cawv. Thaum lawv haus kiag zeeg cawv no meej lawm ces yus rov qab ce dua zeeg ob kiag rau. Ces koj txawm hais kiag li no ntxiv:
    “Hais li no, hnub no tos niam thiab txiv tuaj nyob ib hnub nkaum ib hnub tshav ib hnub ntxoo. Luag hais tias yog Ntxhais Vauv ua lub neej muaj ces yuav muaj ib tug nyuag kom tsim nyog thiab raug ntsej rau muag ua tos tej Niam txiv tuaj hu plig. Tiamsis, Ntxhais Vauv ua lub neej nyob kooj saub kev sis pluag. Txawm tus me luaj li tus me nas xwb los kom Niam thiab txiv txhob xav li cas , txoj me hlua mas yog txoj no, rab riam tua mas yog rab no ntag (koj muab kiag rab riam thiab txoj hlua cob kiag rau tus uas tuaj zaum rooj ntawv kiag).” Ces tus tuaj zaum rooj ntawv yuav tsum muab kiag ib kis nyiaj los txais txoj hlua uas ua rooj noj los yog hu plig no raws li tej poj tej yawm ua los. Nws mam li muab kiag kis nyiaj no tso plhuav rau saum tais txhuv qe uas txawb ntawm lub rooj. Ces rov qab haus kiag ib lwm cawv tag nrho. Ces rov qab teev kiag ib zeeg rau ntawv ces yus mam hais li no:
    “Luag hais tias txawm Ntxhais Vauv ua neej nyob kooj saub kev sis pluag, txawm hais tias tus me luaj li tus me nas xwb los yuav coj Niam thiab Txiv mus xyuas thiab taw kiag tus tsiaj rau tias yog tus no ntag”
    Kev Haus Dej Haus Cawv
    Kev haus dej haus cawv mas peb haus tau raws li nram qab no:
    1. Haus tus cawv tos Niam thiab Txiv tuaj nyob ib hnub nkaum ib hnub tshav ib hnub ntxoo.
    2. Haus tus cawv uas tos Niam thiab Txiv tuaj hu plig los yog ntim ces. Ces thaum haus txog tus cawv zeeg ob uas hais tias “tos Niam Txiv tuaj hu plig los ntim ces ” no ces yog tias yus yog niam tais yawm txiv ces yus yuav tsum ua Ntxhais Vauv tsaug li no:
    Ua tsaug nawb Vauv …! Luag hais tias nej tsis cia li, nej
    tseem muab tej Niam tej Txiv saib hlob, tseem muab tshiaj muab txhuv tua pub rau tej Niam tej Txiv noj, tuaj nyob ib hnub ib
    tsam xwb twb zoo lawm, nyob tsam tej Niam tej Txiv rov dua lawm es Ntxhais Vauv neb muaj chaw siv ces tsis pom qab muab nawb Vauv …thiab Ntxhais… Es ua tsaug nawb! Ces yus mam li haus yus lub cawv uas tos tus Niam tus Txiv tuaj hu plig ntawd
    3. Haus tus cawv hu plig.
    4. Haus tus cawv khi tes los yog tus cawv sam fwm
    5. Haus tus cawv mov dej txiag.
    6. Haus tus cawv tso nyuj kom huaj vam li xub ntab nroos ntws xws xub muv.
    7. Haus tus cawv nkawg lus.
    8. Haus tus cawv sawv kev (Ib co niam-txiv mas lawv yuav haus tus cawv cheem kom tus Niam tus Txiv pw) Thaum haus tus cawv nkawg lus tas nrho xwb ces coj lawv mus cob kiag sab npua thiab cov zaub mov ntim su no rau lawv kiag, saj khob cawv cob kiag rau ces koj hais li no:
    “Luag hais tias Niam thiab Txiv tuaj nyob ib hnub nkaum ib hnub tshav ib hnub ntxoo, Ntxhais thiab Vauv ua neej nyob kooj saub kev sis pluag, tsis muaj ib yam dab tsi rau Niam Txiv , tsuas muab ib tug me qaib coj mus npws poj npws yawm thiab ib pob me mov su, ib me fwj cawv, ib ceg nyuag npua luaj li nyuag nas rov rau koj coj mus cob rau Niam Txiv coj mus ua pub rau niam hlob txiv hlob, niam ntxawm txiv ntxawm lawv noj hais tias qhov no yog qhwv tom Ntxhais Vauv los.”
    Tej laus thaum ub, lawv kuj tseem muaj haus tus cawv ntxuav muag thiab tus cawv tshais nrog. Tiamsis los rau cov niam no, feem coob lawv tsis haus ob tug cawv hais los saum no lawm. Vim yog tsis muaj caij muaj nyoog txaus ces thiaj li muab tso tseg zuj zus lawm. Thaum tus Niam tus Txiv yuav rov qab mus tsev kom nco ntsoov ntim su, ntim su no yuav tau npaj li nram qab no:
    Tus npua - txiav ib ceg nrog cuaj (9) ntoos tav thiab nrog rau tus tw Ib fwj cawv thiab ib tug Qaib (yog ntim rau lawv coj mus laig dab tom tsev - npws poj npws yawm)
    Tua ob tug qaib uas coj los ntim su rau lawv coj mus noj su tom kev Ob rab diav thiab ib pob mov Ces thaum no nej mam li los haus kiag tus cawv sawv kev thiab tsa lawv sawv kev xwb.
    Ntawm kev Ntxhais Vauv tos Niam tais yawm Txiv tuaj hu plig los yog tua Npua ntim ces , ces tiav li no.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tos Niam tais Yawm txiv tuaj Ntxhais Vauv ua ib rooj noj rau los yog tua Npua ntim ces

    Post  koojziagkabzaug on 18th September 2010, 10:47 am



    Txheej Txheem tis npe laus

    By: XeevTxwjLaug Icon
    Posted 03 September 2009 - 06:25 PM

    koj yog vauv yuav tos niam tais yawm txiv tuaj tis npe.
    koj thov 1 tug kwv tij nqa 1 lam hwj cawv mus tom yawm txiv tsev.mus txog ces rub 1 lub nyuag rooj ces rub yawm txiv los zaum sauv.
    hliv 2 khob cawv rau yawm txiv ces hais tias tav nov Wealthpower nkawd 2 tug ua ntxhais ua vauv kuj ciaj koj ua niam ua txiv ntxhais vauv los ntev ntev lawm los zoo li tsis tau muaj lub npe txwj npe laus rau sawv daws hu li yog li no hnub no nkawd kom kuv tuaj tos koj ua niam ua txiv nqa koj lub yeej koob yeej huam mus nrhiav 1 lub npe txwj npe laus rau Wealthpower nkawd kom muaj npe txwj npe laus nrog luag hu.
    hais li no tas ces sawv mus pe 2 pes.ces los kom yawm txiv haus cawv ces haus cawv tas coj yawm txiv tuaj nrog neb pw hmo ntawd.
    neb tua 1 nkawm qaib los ua hno ntxuag cawv ces rub lub me rooj rub niam tais yawm txiv los zaum sab pem toj muab 2 tug ncej puab qaib rau niam tais thiab yawm txiv muab 1 lam hwj cawv qab qab los haus.
    xeej 1 yog haus tus me cawv xob yem.
    xeej 2 yog haus tus me cawv nrhiav npe.
    thaum xaiv tau lub npe lawm ces cia li noj mov thiab haus lwm puav cawv ua si lawm xwb.
    noj hmo tag ces pua chaw ntawm hauv plag koj yuav 1 lag yeeb los chob rau yawm txiv lawv ntaus sab lim kom zoo siab.ces pw tsaug zog.
    tag kig kaj ntug ces hliv 2 khob cawv rau yawm txiv kom yawm txiv mus saib 2 tug npua ces koj tus kwv tij los qhia yawm txiv tias tus me no yog yuav tos koj tuaj nrog Wealthpower nkawd nyob 1 hnub pw 1 hmos nrog khaws 1 nyuag tug ntxuag(tua pub koj noj 1 pluag).hos tus me no thiab 1 nyuag nkawm qaib no yog muab rau koj tis nkawd lub npe laus.
    hais no tas ces yawm txiv teb tias yog li ces nej muab tus me uas tua pub kuv noj no tua hos muab nkawm qaib thiab tug me npua tis npe no los teeb kuv yuav hu vauv Wealthpower nkawd plig.
    ces muab tus tua pub yawm txiv noj tua thiab tos yawm txiv hu plig tag ces muab tus npua hu plig thiab nkawm qaib los tua huv si.
    thaum ua tau nqaij hno siav ces coj los rau tau ces rub yawm txiv los zaum sab pem toj ces koj tus kwv tij koj thov tuaj mus zaum phim yawm txiv.
    pib ua xeej caw
    1 xeej tos nuam tais yawm txiv.
    2 xeej cawv mov dej txias.
    3 xeeh cawv tis npe laus.
    4 xeej cawv hu plig.
    5xeej cawv khi tes.
    6 xeej cawv ua niam tais yawm txiv tsaug.
    7 xeej cawv yeej foob
    8 xeej tsa sawv kev.
    lub sij hawm haus tus cawv sawv kev no ces muab niam tais yawm txiv 1 leeg 1 ces tsoos tsho hmoob tiav log.hos muab 1 lub tsho rau tus nrog yawm txiv tuaj zaum rooj.ces 1 pob mov 2 tug qaib ntim su 1 pob mov 1 tug qaib thiab 1 hwj cawv npws poj.1 ceg npua nrog 9 ntoos tav rau yawm txiv lawv tab sis muab cob li no tas xwb koj nrhiav 2 tug neeg xa ces npua no mus kom txog niam tais yawm txiv tsev.
    The end


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tos Niam tais Yawm txiv tuaj Ntxhais Vauv ua ib rooj noj rau los yog tua Npua ntim ces

    Post  koojziagkabzaug on 18th September 2010, 10:52 am



    Posted 17 October 2007 - 08:39 AM

    THOV CAW IB TSOOM KWV TIJ PHOOJ YWG SAWV DAWS TUAJ KOOM KUV ROOJ MOV TIS NPE LAUS.XYOO NO XYOV YOG PHEM NIAJ TSIV XYOO LOS CAS KUV HLUB TIAG PHEEJ MUAJ NTSIS MUAJ TXIAB THIAB NCAUJ MUAJ NTSIS NTAU CES HO HAIS TAU NTAU LO LUS RAU KWV TIJ NEEJ TSA TAU TU SIAB LAWM.YOG LI TEJ ZAUM KUJ YOG TIM LUB NPE TSIS COB PHUM THIAB LOS UA CAS YOG LI HNUB NO KUV HO NPAJ IB NYUAG RAWG NTXUAG OB NYUAG HWJ CAWV ES NEJ HO TUAJ NROG KUV KOOM THIAB HO MUAB KUV TIS NPE LAUS.YOG NYOB LI MUAJ POJ MUAJ SEV CES KUJ YUAV KOM YAWM TXIV TUAJ TIS TAB SIS KUV LOS YOG TUB HLUAS XWB TSIS MUAJ POJ MUAJ SEV CES THIAJ THOV NEJ IB TSOOM PHOOJ YWG TUAJ NROG TIS KUV LUB NPE LAUS.KUV XAV MUAB TIS UA TSAVPIBPIB NO SEB SAWV DAWS PUAS NROG NYIAM THIAB.

    *********

    By: Hluas Hmoob:

    Posted 17 March 2010 - 01:22 PM
    xeev xwj laug,
    Tam kuv paub mas, kev tis npe laus tus txheem cawv muaj ntsis raws li tshoob kos tus txheem cawv ntag.
    Tab sis hmoob hais tias. Hmoob txoj cai yog* npua cai. Txhais tau tias, hmoob txoj cai ua thiab hais tsis zoo sib xws. Hmoob hais tias nyias ua raws nyias tus xib fwb qhia. Los puas nyias ua raws nyias nyob ntawm lub zos los lub teb chaws ntawd. Hmoob tsuas ua raws li nco tau los puas kawm tau xwb. Vim hmoob tsis muaj ntaub ntawv zwm tej kev cai no rau ib daim ntawv los ib phau ntawv twg. Yog no kev cai hmoob tsis hais tshoob kos, tis npe laus los yog lwm yam hmoob kev cai, hmoob thiaj hais tsis sib xws, yam muab hmoob los mus xws xam, zoo li hmmob kev cai ua tsis muaj qab hau ab tsi. Tej zaum mas twb tsis yog ib tsav neeg ib txoj cai, tseem yog ib tug neeg ib txoj cai lawm thiab. Kuv muab ntsuam xyuas, yog tus muaj tsws yim zoo, ces nws hais tau zoo. Tus tsis muaj tsws yim hais tsis tau zoo, ces hmoob hais tias nws tsis txawj. Qhov xeeb tiag, nws yeej tsawj, tab sis nws tsuas hais ncaj ncaj li paub xwb, tsis siv tsws yim.

    Kev tis npw laus txheej txheej cawv muaj ntsis ua li tshoob kos txheej txheem cawv ntag.
    1. txheem cawv tos niam tias yawm txiv tuaj nrog nxthais vauv nyob ib hnub pw ib hmos.
    2. txheem daw khau
    3. txheem poob plag
    4. txheem txheeb qhua
    5. txheem sam tsum
    6. txheem mov dej txias
    7. txheem qhia npe
    8. txheem ntxhuag ( Ntxhias vauv tua npua niam tais yawm txiv noj)
    9. Txheem khaws lus. Hmoob tsis paub, hmoob hais tias nkaw lus. Nkaw lus txhais tau tias ib leeg tsis zoo siab rau ib leeg mas thiaj yuav nkaw lus rau cov noj xwm hmoog. Khaws lus txhais tau tias, niam txiv, cov neej nuj kwv, nusj tij, cov txheeb cov tse tus nxthais tus vaus yuav hais lus ntuas nkawd ib niam txiv tshiab ntawd mus ua neej kom nkawd khaw cov neej tsa lus mus ua lub neej kom xyom hauj xyom xyeem, huaj vam zoo. LI NO LUAG THIAJ HAIS TIA KHAWS LUS.
    10.Txheem cawv tso sawv kev. Hmoob tsis paub hmoob hais tias tsa sawv kev.. Tsis yog tsa sawv kev. Hmoob lo lus tsa no txhais tau tias. Muaj ib tug neeg vau es koj tsa los yog koj tsa ib yam ab tsi uas nws vau lawm. Lo lus tsa tsis sub plaj los yog ib lo lus tsis zoo rau saum tshoob kos. Tso sawv kev txhais tau tias, ntxhais vauv qhua yawg, niam txiv tom ub tuaj ua tshoob ua kos tiav, ces niam txiv tom no yuav tso lawv rov mus tsev ( tso sawv kev ).
    Tseem muaj txheem cawv hu plig/khi tes ( sam fwm )



    Peb cov hluas tam sim no, peb los muab hmoob cov lus coj los xws xam ( research) kom hmoob lus hais muaj quag thiab raug raws lo lus xiv. Hmoob lus thiaj yuav hais tau zoo thiab raug li luag lwm haiv neeg cov lus.

    Tam kuv muab xws xam los mas, peb hmoob nyiam hais lus npoy xwb ( not a complete sentence). Piv tias kuv hu ib tug neeg tuaj txog ntawm kuv qhov rooj. Kuv cia li hu hais tias. " Tuaj los ", no yog lus npoy ! Not a complete sentence. Kuv yuav tsum hu hais tias " Koj tuaj los", no mas thiaj yog complete sentence.


    **********


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Tos Niam tais Yawm txiv tuaj Ntxhais Vauv ua ib rooj noj rau los yog tua Npua ntim ces

    Post  Sponsored content Today at 6:43 am


      Current date/time is 11th December 2016, 6:43 am